கடற்கரை மீதமர்ந்தோம்

கடற்கரை மீதமர்ந்தோம்
காற்று காதோடு பேசி செல்கிறது
மொழிதான் புரியவில்லை
கவனம் களவுபோனதே காரணமோ !
நண்டாக விரல்மாறி புரியாத கோலமிட,
மழலைகளின் மணல் விளையாட்டில்
தன் வாரிசின் முகம் கண்டிடுமோ !
எதிர்காலம் தெரிந்துக்கொள்ள
கைநீட்டும் இளவட்டங்கள் நடுவில்
இளமைகாலம் தொலைத்துவிட்ட
முதுமைகளும் கைநீட்டும் கொடுமை,
விரச விளையாடும் அரங்கேறும்
விரத்தியில் வசைபாடும் நடந்தேறும்,
மசாலாக்களின் நெடி இழுக்கும்
சுகாதாரத்தை முற்றிலும் சூறையாடும்,
கழுதையான குதிரைகளில்
தேசிங்குராஜாக்களின் எல்லைதாண்டா பாச்சல்,
சுட்டு வீழ்த்தும் பலூனில்
சூரனாகி நெஞ்சைநிமிர்த்தும் மாவீரர்கள்,
திரைமாயைகளின் மயக்கத்தில்
சேர்ந்தெடுக்கும் புகைப்பட புன்னகைகள்,
ஆர்பரிக்கும் அலைநடுவே கால்நனையா
கரைமுழுங்கும் தொடர்போராட்டம்,
தொடுவானம் தொட்டுவிடும்
மனபறவைகளின் தொடர்முயற்சி,
மீளா உறங்கிப்போன தலைவர்களை
காலமுழுக்க சுற்றிசெல்லும் மனிதகூட்டம்,
லயித்து போன மனரசனை
கண்ணை கட்டும் அவள் விரல்களில்
கலைந்துதான் போனதே,
என்னடா காதலா எவள் பார்வைப்பட்டது
என் வருகைக்குமுன் நையாண்டி செய்கிறாள்...
அசடுவழியும் அனிச்சை செயல் தானாகவே !...

- கவிதை பூக்கள் பாலா

தொடர்வண்டியில் துடித்த இதயம் ......

கண்ணிற்கு கடைசி முனை காட்டும்
நெரிசலற்ற தொடர்வண்டி நிறுத்தம்.
தொடரந்து சென்ற என் பார்வை சில்லிட்டு சிலிர்த்தது.
துள்ளிச் செல்லும் புள்ளிமானா ,
சுடிதார் சுமந்த சுவர் சித்திரமா !,,
திகைத்து நின்றது எனது கண்கள்.
பறந்து செல்லும் தொடர்வண்டியில்
பயணிக்க நினைக்கையில்
பாவை அவள் இடைமறித்தால் தன் அழகுக்கொண்டு .
ஆட்டம் கண்ட சுயநினைவு,
சுற்றித்திரிந்தது நிழலாக அவள் நினைவாக....

ஒயிலாக நடைபோட்டு
ஒட்டியாணம் அணியா இடையசைத்து
ஒய்யாரமாய் வண்டிக்குள் வந்தமர்ந்தாள்.
வண்டியின் அறைக்குள்,
அவள் பார்வைகள் பரிமாறும் இடம் தேடி அமர்ந்து,
என் உடல்களும் உதவின நண்பனாய்.

சிறுவயது நண்பர்களோடு தொடர்வண்டி ஓட்டிய
நினைவுகள் வந்து செல்ல,
தொடர்வண்டி தன் பயணத்தை தொண்டையை கணித்துக் கொண்டே தொடங்கியது ....
சித்திரத்தின் சிறப்பு கருதி,
இறுதி வடிவம் தீட்டும் ஓவியனாய்,
ஆடைகளை சரிசெய்தால் சிற்றிடையாள்.
சீறிப்பாய்ந்த காற்றும், அவள் தேகம் பட்டு தென்றலாய் கவி படித்தது ஏனோ !. ஐவிரல்கள் துணைக்கொண்டு,
மென்மையாய் வருடி தூங்க வைத்தாள் முடியிழைகளை.
----- தொடரும் ..
- கவிதை பூக்கள் பாலா ...
குறிப்பு : கவிதை தனமா எழுத முயச்சிக்கின்றேன் .........குற்றம் குறையைசுட்டவும் , ஓகே என்றால் கொஞ்சமா கொட்டவும் வாங்கிக்கிறேன்.......