மார்பகம்

அழகூட்டும் உறுப்பாக்கி
அறுத்து சீராக்க தயங்காத
அற்ப கவச்சியில் ஆனந்தமோ...
மானுடம் தொடர பாலூட்டும் அங்கம் ,
ஆராயிச்சி கூடமாக்கிய காமகண்கள்,
காட்சிப்படுத்தி பொருளீட்டும் ஊடகங்கள்,
பாலூட்ட மறந்துபோன நவீன தாய்கள்....

படைப்பின் பொருள் மறந்து,
போதையில் சொக்கிபோகும்
இச்சையின் கச்சையாய்
மாறிப்போனதோ மார்பகம் இன்று...
- கவிதா பூக்கள் பாலா

கனவும் கைவிட்டது
காதல் கசந்ததால்,
உழைப்பு உயர்த்திவிடும்
காணும் கனவும் கைக்கூடும்..

நிர்வாணமாய் அலைகிறது

நிர்வாணமாய் அலைகிறது எங்கள் வாழ்க்கை
நிவாரணங்களை தேடி...
- ஏழைகளின் மனக்குமுறல்

உரைப்பாய் காலமே பதிலுரையை:

கேள்விகளை தொடுக்கும் வாழ்க்கை !,
விடைத் தேடியலையும் மனிதர்கள் ,
வேடிக்கை பார்க்கும் உலகம்,
மௌனம் காக்கும் இயலாமை
அடிபட்டுப் போகுமோ சுயமரியாதை,
பதறித் துடிக்கும் உறவுகள்,
பரிதாபம் தேற்றும் தோழமைகள்,
சிந்தனை சிறைப்பட்ட மனநிலையும்,
பரிகாசம் செய்யும் மனசாட்சியும்,
யாதென அறியா சுயஉணர்வும்,
சம்பட்டியால் அடிக்கும் தன்மானம்,
சகதியாய் தெரியும் கவலைகளும்,
அறிவுரை இயம்பும் ஆதங்கங்களும்,
பதிலுரைக்க இயலா மனவோட்டம்,
காரணம் விழையா காலமுழுமையும்,
குளத்தில் கல்லெறிந்த நிலைதானோ,
குருட்டுக்கணக்கு தகர்ந்து போது,
தன்மீதே தண்டனை ஏற்கின்றோம்,
பணத்தின் பற்று பரிகாசிக்கும்போது
தடுமாற்றங்கள் நிகழுவும் கொடுமைகள்,
வாக்குகள் தவறும் மானப்போராட்டம்
மனச்சாட்சி உள்ளான்சகிப்பானோ!
உரைப்பாய் காலமே பதிலுரையை........

- கவிதை பூக்கள் பாலா

வார்த்தை வதம்

குதித்து ஆர்பரிக்கும்
குற்றாலமான மனதில்...
கல்லெறிந்த குலமாய்
மாறிய நிமிடம்..
உன் வார்த்தை வதம்
செய்த கொண்டிறிருகிறது.....

- கவிதை பூக்கள் பாலா

நீ மண்ணோடு சென்றிடுவாய் .......

சுதந்திர நாடுதான் நம்ம நாடு ,இதில்
நேர்மைக்கு சுதந்திரம் இல்லையேன்னு தோனுது .
குடியரசு தான் இன்று நம்மள ஆளுது ,
இதுல குடிமக்கள் தான் தினமும் வாடுது .
அன்னியன விரட்ட வேகமோ இருந்தது,
அவன் அன்னியம் ( அடுத்தவன் )என்பதாலா ,
என்று எண்ணி நொந்து போகுது .













உள்ளுக்குளே இருந்து கிட்டு ,
குடியரசு என்ற பெயரோட,
நம்ம உசுரத்தான் வாங்குது.
நடப்பதெல்லாம் குடும்ப சண்டை,
பேச்செல்லாம் பெருசாதான் இருக்குது
செய்யும் செயல்கள்தான்
மானம் கெட்டு போகுது ,
பாசம், பாகம் சரி இல்லையே,
யாருக்கும் துணிவில்லையே என்று
மக்கள் மனம் போராடுது ,
தெருவில் நின்று போராட
வக்கற்று தான் போனது ,
போராட நினைத்தாலும்
ஏளனமும் செய்யுது .

உள்குத்தா நடப்பதால
உடம்பெல்லாம் வலிக்குது,
இருந்தாலும் நாம இந்தியன்னு வெளியில
பல்ல இளிக்கத்தான் தோனுது ,
இத ஒன்ன வச்சிக்கிட்டு
மக்களையும் ஏய்க்குது ,
இதற்கு பேரு குடியரசு(மக்களாட்சி)
அதுக்கொரு நாளும் வச்சி கொண்டாடுது .

கொள்ளையடிப்பவன் கூடாரமா !
குடியரசு என்றோ மாறி போச்சுது ,
குட்ட குட்ட குனியும் காலம்
மலையேறி போச்சுதுன்னா,
கொள்ளையடிப்பவனை எல்லாம்
கொல்லபுரம் கழுவசொல்லும் காலம்
வெகு தொலைவில்லை என
எச்சரிக்க தோனுது .

முழித்துக்கொள் குடியரசே !( மக்களாட்சி )
இல்லை நீ மண்ணோடு சென்றிடுவாய் .......
... வாழ்த்துக்களோடு கவிதை பூக்கள் பாலா ....
..